воскресенье, 2 сентября 2012 г.

"Чеберай» элькун конкурслэн положениез.

Ӵошатсконэз радъян вакыт – 2012-тӥ арын сентябрь-ноябрь толэзе.

Конкурсын кутӥськись кыл – удмурт, ӟуч.

Конкурслэн учредителез: «Дэмен» огазеяськон

Конкурсэз радъясьёс: «Дэмен» огазеяськон, «Удмурт кенеш» огазеяськон, Удмуртиысь Нациосын ужан политикая министрество, Удмуртиысь Культурая, печатья но иворъёсъя министерство, Удмуртиысь егитъёсын ужанъя министерство, Удмурт кун театр, «Мынам Удмуртие» теле-радио компания, «Шунды» дэменлык.

Конкурс кылдытэмын удмурт культураез но кылэз азинтон, ӝутон но утён вылысь, егитъёслэсь ас шӧдонзэс ӝутон, чеберлыкез гажан мылкыд пыӵатон понна.

Конкурс азе пуктэм ужпумъёс: егитъёс пӧлысь тужгес задоръёссэ, сэзьёссэ утчан, соос пӧлысь тужгес устозэ быръён но сое дасяны кутскон «Уйпал кизили» финн-угор ӵошатсконэ.

Конкурс радъяське куинь этапен:
    Нырысетӥ тур. Удмуртиысь, Татарстанысь, Башкорстанысь, Пермь но Киров улосъёсысь но мукет интыосысь конкурсэ пыриськыны мылкыд карисьёс асьсэ ёросъёсазы та выллем ик чеберай ӵошатскон радъяны кулэ. Котькудӥз ачиз мед учкоз, кызьы сое ортчытоз. Радъяно сое 2012-тӥ арын сентябре. Интыын вормисе потэм нылмурт сярысь ивор келяно office-udmteatr@yandex.ru интернет адресъя. Отын мед луоз вормисе потэм мурт сярысь резюме. Солэн портретной но быдэс ӝуждалаеныз туспуктэмъёсыз. Быдӟалаез 10X15 сантиметр. Ваньзэ тае пыртыны луэ Удмурт театрлэн приёмнояз но 2012-тӥ арын сентябрь пумозь. Та дырозь ик ачид сярысь ыстыны луэ портфолио котькуд мылкыд карисьсьёслы – заочно амалэн ортчозы нырысетӥ турез.

    Кыкетӥ турез ортчоз 2012-тӥ арын 3-тӥ октябре Удмурт театрлэн сцена вылаз. Ёросъёсын вормисе потэмъёс сяна, татчы пыриськыны быгато мукет мылкыд карись нылъёс но. Но таос регистрация пыр потыны одно кулэ. Соослы удмурт театрлэн приёмнояз яке office-udmteatr@yandex.ru электрон адресъя 2012-тӥ арын 1-тӥ октябрёзь вуттоно асьсэ сярысь резюме, портфолио (10X15 быдњалаем 7-8 туспуктэм: быдэс ӝуждалазэс возьматӥсь, купальникен, портретной фото).

    Финал радъяськоз Удмурт театрын. Татчы сюрозы кык этап пыр потэм тужгес устоосыз 10-12 нылъёс. Ортчоз 2012-тӥ арын 18-тӥ ноябре 14 часысен.

Конкурс ортчон интыозь вуттӥськон, шутэтскыны сэрег утчаны но сиськон сярысь сюлмаськыны кулэ асьсэос ёросъёс я ӵошатсконэ пыриськыны мылкыд карисьёс.

Кин ке конкурсэ пыриськыны тазалыкеныз сэрен я мукет мугъёсын ӧз быгаты ке, ёросъёс быгато асьсэ чеберайзэс мукетыныз воштыны. Но со сярысь конкурс ортчонлэсь 7 нунал азьвыл ивортоно радъясьёсызлы.

Ӵошатсконэ пыриськисьёслы курон:

Конкурсэ пыриськыны ӧтё 15-сен 25 аресозь нылмуртъёслы. Одно ик мед вераськозы удмурт кылын.

Кыкетӥ турлы дасяно:

1. Визитка – ачид сярысь 20-30 секунд кыстӥськись ивортон.

2. Йырвизез эскерись конкурс:

- удмурт калыклэсь историзэ, куьтуразэ, кылзэ тодон;

- жюриослэн я конкурсэз радъясьёслэн юанъёссылы паймымон валэктон сётон.

Финалы дасяно:

1. Визитка – ачид сярысь 20-30 секунд кыстӥськись ивортон.

2. Эктыны-кырӟаны-вераны быгатэмдэ возьматон.

3. Огзэ удмурт сям-йылолэз возьматон (сюан, корка пырон но мукет).

4. Йырвизез эскерись конкурс:

- удмурт калыклэсь историзэ, куьтуразэ, кылзэ тодон;

- жюриослэн я конкурсэз радъясьёслэн юанъёссылы паймымон валэктон сётон.

5. Купальникен возьматӥськон.

6. Чебер ӝыт дэремен возьматӥськон.

Жюри

Конкурсэз ортчытон вылысь кылдыто жюри. Отчы пыро удмурт интеллигенциысь культураез, сям-йылолъёсты, кылэз тужгес ӟеч тодӥсьёс.

Вормисьёсты быръё таӵе куронъёсъя:

- тус

- визь

- мугор чеберлык

- творчество

- удмурт кылэз но сям-йылолъёсты тодон-валан

- аспӧртэм луон

- сцена вылын астэ возьыны быгатон.

Конкурслы йылпумъян

Йылпумъянъёс лэсьтэ жюри. Соосъя нылъёслы сётӥське 1-тӥ (Чеберай), 2-тӥ (Мусокай) но 3-тӥ (Дыдыкай) интыос. Чеберай ним сётӥське (1-тӥ инты) тужгес трос балл люкам нылмуртлы. Жюрилэн дунъетсэ воштыны уг луы ни.

Данъян

Конкурсэ вань пыриськемъёс пусъемын луозы дипломъёсын но дуно кузьымъёсын. Вормисезлы сётӥське корона но «Чеберай-2012» ним.

1-тӥ, 2-тӥ, 3-тӥ интыосты басьтэм нылмуртъёс быгато «Уйпал кизили» фин-угор џошатсконэ пыриськыны, отын Удмуртилэсь данзэ утьыны.

Мылкыдзэ юало залын пукисьёслэсь но: кин тужгес кельшиз учкисьёслы («Приз зрительских симпатий). Кузьымъёс лэсьтыны быгато спонсоръёс но.


Адрес: Удмурт кун театр,
426051, Ижевск. М. Горкий ульча, 73-тӥ юрт.

Телефон/факс 8(3412)78-18-16, e-mail: office-udmteatr@yandex.ru,

Комментариев нет:

Отправить комментарий