воскресенье, 1 сентября 2013 г.

Анатолий Эркишев. КАМАЛИ-2013

Предлагаем вашему вниманию текст сценария отчетного концерта студии современной удмуртской песни КАМАЛИ, прошедшего в мае 2013 г. на сцене национального театра. 

Зечбуресь гажано эшъёс!

Тросэзлэн кылдэ дыр юан, мар со сыче «Камали» ? Малы ми озьы нимам студимес?

Камали, со удмурт нылкышнолэн чеберман арбериез (украшениез). Ми нимаським «Камали», асьмелэн но удмурт культурамылэн мед луоз вылтусаз, еще одиг чеберман арбериез шуыса.

Камали студия кылдиз, кылем арын куарусен толэзе. Ми ялим кастинг, кытчы пыриськизы кызь вить пала пиналъёс но егитъёс. Соос полысь ми бырйыны быгатим 5 пиналъёсты, кудъёсыныз ми кутским ужаны. Концерт куспын, мон тиледыз соосын пырпочгес тодмато.

Студиез усьтон азьын ми пуктим сыче задача. Пиналъёсты не только кырзаны дышетыны, куаразэс пуктыны, а дышетыны, соос мед валалозы мар сярысь соос кырзало шуыса. Мед пуштроссэ кырзанлэсь кылзиськисьлы сюлмаз поныны быгатозы шуыса.

Нырысь ик мынам потэ тиледыз тодматэме, самой пичиеныз студиысьтымы кырзасенымы. Романова Юляен. Юлялы 5 арес. Со арнялы быдэ ветлэ студие Пуро-Можга гуртысь. Со самой тунсыкъяськисез но ответственноез милям студиямы =) Котьку кылъёсыз кырз:анъёсызлэн дышетэмын, пичи батарейка кадь котьку дась ужаны. Жадёнэз уг вала. Нош жаде ке, кутске микрофонэз ньылыны мороженноез кадь. Мо:зме ке воксе, анаезлэсь телефонзэ лушкем сумкаысьтыз поттыса жингыртэ мыным . Юанъёсыз только по делу. Ма со сыче, ре мажор, малыо мажор со шунды кадь? Мар луоз звуковой модулись горд кнопказэ зибид ке ?
Али со тиледлы быдэстоз мынам атаелэсь гожтэм кырзанзэ, кудиз нимаське «ЧУПЫРЕС» Соин, пумиталэ, Юля Романова.

Тазэ кырзась пичи воргоронмес мон шедьти бергес. «Пичи зарни перепеч» вожвыляськон азьын. Кудзэ таяз арын радязы милям студимылэн эшъёсыз, Перепечкинъёс. Отчы пыриськиз «Камали» студия но. Мон вуи вазьгес, пиналъёслэсь куаразэс шунтон понна но, сцена вылын ортчон понна. Милемын чош гримъёркае интиялям, туж муспотон шундыё пияшез, Женя Барановез. Мыным туж тунсыко луиз, ма меда быгатэ та пияш? Мон пиналъёсыным чош сое кути поламы куаразэ шунтыны, но воксе пайми жон-жон куараезлы. Соку, ик гримеркае берытскыса, анаезлэсь кури пизэ «Камали» студие вуыны. Соку ик вераським! Юнме вылымтэ уго, Женямы басьтиз «Пичи зарни перепеч» вожвыляськонын нырысети инты! Пумиталэ, Женя Баранов! 

Ти эн пайме, мон таче чебер дисяськемын шуыса, матысь дыре ти ваньзэ тододы малы мон таче вылтусын поти. Но, Мынам али вераме потэ вал, еще одиг кырзасе сярысь. Нимыз солэн, Мария Агафонова. Таиз нылашмы милям Воткакарысь. Солэн, ти шодиды ни дыр туж аспортэмлыко но сюлмэ пырись куараез. Нош маскарчи кыче))) Занятиямы пичи дыр сюрэ ке шутетскыны, серекямысь ум дугдылке. Но студиын тыршем сяна, дышетске Марийкамы «витьёслы» гинэ. Куиськон кружоке ветлэ, музыкальной школае, гимнастикае… Нош нырысети выступленимы дыръя «Пичи зарни перепеч» вожвыляськонын бордыса но вуим, жеребьёвка дырья нырысети номерез кыским сцена вылэ потыны. Мырдэм буйгатским =) Сцена вылэ потиз но бордэмез но волнениез но олокытчы пыриз. Эктэ но кырза но паймымон. Нош мар сярысь ми кырзам нырысети выступлениями али ми возьматом. Кырзанмылэн нимыз «Э пуные» кырза Мария Агафонова.

Чебер апай кудиз тиледлы али кырзалоз, дышетскиз «Кузебай Герд» нимо гимназиын, нош али дышетске «Ижевский государственный политехнический колледжын». Кастинг дырья со паймытиз монэ аслаз паймымон ненег куараеныз. Аслаз гожтэм кылбуръёсыныз но кырзанъёсыныз.. Мон паймисько солы. Ку со ваньзэ вуттэ лэсьтыса? Дышетске со «витьёслы» гинэ, концертъёсын но ми кырз:аса вуттиськом, студиын но ужаськом, со олокыч:е но конференциосы ветлэ докладъёсыныз, по:ртэм ужрадъёсы пыриське. Катяен ми туж зол ужам театрын выль ар азьын «Демен выль арен» концеръёсын. Кырзам выль ар сярысь кырзан, со кырзанэз ми тиледлы бергес кырзалом ))) Нош али, Катя кырзалоз кырзан, кудиз нимаське «Малпасько туннэ». Пумиталэ. Измайлова Катерина - «Малпасько туннэ»

Концерт пумаз скоро вуоз ни, нош одигеныз кырзасеными весь ом тодмате на. Ти малпаськоды дыр, кин со сыче сюлмэмез бугыртись, аспортэмлыко кырзанъёсты кырзась? Мон али соин тиледыс тодмато. Со милям самой аспортэмлыко кырзасьмы но кылбурчимы но суредаськисьмы но. Куке ми соин тодматским, ужаны кутским, со монэ воксе паймытиз аслаз кырзан крезьгуръёс шоры учкеменыз. Та нылаш монэ донгиз мукет тунсыко крезьгурлэн о:раз. Аня шоры учкыса мон валай: солы туж аспортэмлыко кырзанъёс гожтоно луоз шуыса. Соин потизы сыче кырзанъёс, кудъессэ мон ноку но ой гожтысал дыр. Одигзэ соос полысь мон али демласько кылзыны. Та кырзанэн ми трос адямилэсь сюлюмзэ бугыртим «Зарни перепеч» вожвыляськонын. Пумиталэ! Анна Образцова 

Тани пумаз вуэ ни милям концертмы, но дыр вуиз вераны тау каронъёсмес. Нырысь ик, самой бадзым тау кареме потэ милям учередительмылы, студимылэн анаезлы Светлана Константиновна Смирновалы!

Тау кареме потэ, студимылэн атаезлы, Андрей Иванович Ураськинлы!

Милям чуж анаъёсмылы но чужатайесмылы «Мынам Удмуртия» радиоысь но телеканалысь, кудъёсыз нокуно уг вунэто ми сярысь!

Бадзьым эшмылы, Никитина Юлялы!
Хореографмылы, Петрова Ксениялы!
Милям кылбурась авторъёсмылы, Владимир Котковлы, Мария Галеевалы, Анна Образцовалы!
Мынам матысь яратоно адямиосылы, кудъёсыз котьку мыным юртто но поддержка сето: Анаелы, атаелы, сузэрелы, но сюлмысьтым крезьгур поттытись яратоно Светаелы!

Яратоно администратормылы но эшмылы Антон Васильевлы!

Пиналъёслэн анай атаъёсызлы, кудъёсыз вань сюлмысьтызы ми понна сюлэмшугясько но шумпото.

Мынам дышетисьесылы!

И самой бадзым тау шуэме потэ яратоно учкисьесмылы но кылзиськисьъёсмылы. Бадзым тиледлы тау!!!

Для плодотворной работы студии в учебном сезоне 2013-2014 г.г. необходимы финансовые средства в размере 150 000 руб., которые пойдут на оплату работы преподавателей по вокалу (2 человека) и хореографии (1 человек), изготовление музыкальных аранжировок. (20 шт.) Будем рады любому виду сотрудничеству.

Контакт: Анатолий Эркишев - +7 919 90 55 147

Комментариев нет:

Отправить комментарий