четверг, 19 ноября 2015 г.

Татьяна Ишматова но Людмила Шумилова Пичи Кенеш сярысь


Татьяна Ишматова, вице-президент Удмурт Кенеш:

толон ортчиз Пичи кенеш. Вуоно Съездлы дасяськон кутскемын. Юнматим лыдпусъёсты - кӧня делегатъёс быръемын луыны кулэ котькуд ёрослэсь но улослэсь. Озьы ик юнматӥм Съездын ужась секциосты-ӧръёсты: этнополитика но право, кудзэ нуозы В.А. Байметов но А.Е. Загребин, дышетон но удмурт кылэз азинтон - А.С. Михеева, Н.В. Кондратьева, лулчеберет- В.Я. Митрофанов но Е.А. Сундукова, егитъёсын ужан - Т.В. Ишматова но О.А. Тронина, семья но тазалыкез утён - Н.А. Степанова но Е.А. Ботникова. Та ужпумъёс сяна бадзым инты басьтӥз удмурт кылъя дышетӥсьёслы прокуроръёслэн предписаниоссы сярысь вераськон. Огыр-бугыр мылкыд та ужпумъя. Жаляса верано дышетисьёсты нокин ӧз дася чурыт куронъёслы кудъёсыз герӟаськемын ужан программаосты ӟуч кылэ берыктонэн. Ӟечкыламы "Удмурт Кенеш" огазеяськемлэн "Данъян кигае" пыртэм муртъёсты. Соос пӧлын азьло ужам вице-президентъёс В.Я. Митрофанов но И.М. Шеда-Зорина (посмертно), Куз ёросын кема аръёс ӵоже "Удмурт Кенеш"-лэн ёзэтэныз кивалтӥсез А.С. Дерендяева, Дэри ёросысь "Мӧзмон" клуб но Можга ёросысь одӥгес "Кенеш"-эз ӝутӥсез В.В. Окулов. Озьы ик ӟечкыламы "Элькуновидение" ӵошатсконын вормисьёсты Андрей Корниловез но Иван Котельниковез. Жаляса верано таос понна жожоми. Ялэмын вал :ӟ сюрс басьтозы шуыса нош соослэсь 13 процент подоходной налогзэс басьтизы но киязы трослы ӧжытгес басьтизы... Таче катъёс, пе... Но ужрадын туж чебер йылпумъянэз вал. Ми ваньмы ӟечкыланы быгатим Валентин Кузьмич Тубыловез ӵӟ аресъем юбилееныз. Трос сяськаос но шуныт кылъёс чузъяськизы та данъяськымон адями сярысь. Зэм но со одӥгез батырмы луэ кудӥз трос лэсьтӥз удмурт клык понна но Удмурт Элькунмы понна. Со сярысь тросгес лыдӟыны луоз "Удмурт дунне" газетысь.

Людмила Шумилова, директор Малопургинской библиотеки:
Ужай "Пичи Кенешлэн" берло ӧтчамаз. Жаляса вераны кулэ, котькуд ӧтчаме уг ветлӥськы, не потому, что мылы уг поты, ужея уг пӧрмиськы. Хотя вроде мар мынам уже - лыдӟиськон юртын. Шӧдисько, тӧромылэн, Москвинлэн, вань мыным та ласянь претензиосыз, но пока чурыт кылзэ ӧз вера на.
Мар шусал ӧтчам ласянь? Нырысетӥез. Вал чурыт вераськон съезд ласянь. Малы чурыт? Вал ӵошатон ортчем съездэн, тупен-тупен солэсь янгышъессэ вераз Илья Михайлович, кенешчи. Мон удмурт-а сяменым, яке мынам вань мукет урод сямъесы (а может, со пыре ӟеч сямъес пушкы), уг яратӥськы керетонъесты, но мыным потӥз, татын ӧй вал керетон, ченгешон, а вал работа над ошибками.
Кыкетӥез. Юан ӝутӥськиз школаосын удмурт кылъя дышетон программаосты удмурт кылэ берыктон ласянь. Мон дышетись овол, мыным капчи ӧвӧл темаез валаны, малы ке шуоно мон валай: асьсэос но образованиын ужасьес туннэ нуналлы рос-прос валамын ӧвӧл, мае соослы берыктоно ӟуч кылэ - программаез яке урокез? И малы сое лэсьтыны кулэ? И при всем уважении к Анжелике Михеевой, мон чуть-чуть ӧй вала солэн верамысьтыз, со шуиз, это требует делопроизводство, ведение дел на двух языках. Но соку кытын асьмелэн делопрозводствомы в других отраслях на удмуртском? Монэ тоже надо привлечь, мон веду делопроизводство только на русском (тьфу, тьфу, тьфу, мон и так постоянно привлекаюсь).Но та ужез рос-прос ӝутны вераськемын.
Куинетӥез. Вал на еще трос ужпумъес ӝутэмын, но ваньзэ гожтыны кулэ дыр. Верам потэ сойзэ, что туж трос пичи пургаос данъямын вал та ӧтчамын. Можно шуны, пургинский день. Тубылов Валентин Кузьмич. 80 арес тымиз. Обожаю та адямиез, чисто по-человечески. Мыным ӧз кылды ни соин ужаны, общаюсь больше по своей работе, то есть куке мыным кулэ. Шӧдиське солэн мудростез, нош кыӵе со возе чувство юморазэ! Шуиз, мон пе уло 99 арескозь, мед, пе, жалялозы, одӥг ар 100 сю арескозь ӧз улы шуыса. Супер адями! Удмурт Кенешлэн Дано книгаяз озьы ик пыртэмын вал Ирина Михайловна Шеда-Зориналэн нимыз (кулэм бераз). Свидетельствозэ басьтӥз анаез, Валентина Спиридоновна Зорина. Кенешлы со понна нимаз тау верам потэ. Ну и еще раз пургаос - Элькуновидениын вормисьес- молодцы! Потса чупам потэ вал кыкназэс но, ӧй дисьты.Ну вообще пурга все равно впереди планеты всей но, но ведь кызьы сое вералод, мукетъеслэсь ведь кӧтзэс ӝож карод. Просто со вал минута моего патриотизма со Кенешын!

Комментариев нет:

Отправить комментарий