понедельник, 25 января 2016 г.

Тьфу-тьфу, тьфу, син медам усь. (Отзыв Насти Шумиловой на новые треки проекта Мурjол_Underground.)

“Хипстерлык”



Ну, в принципе, татын анализ но нокыӵе кулэ ӧвӧл, та кырӟан ачиз ини аналитической. Богданлэн азьло но ирония кырӟанъёсаз вал, но татын со ирониен просто зӥбе курласьёссэ, прямо яд шӧдӥське со сарказмаз. Ортче суд: янгыше уськытэм (солы кулэ ӧвӧл адвокатъёс!) вера аслэсьтыз манифестсэ, аслаз осконэз понна нюръяське постмодернизм амалъёсын - со ик ирониен, цитатаослэсь кышъям текстэн (зэмзэ вераса, самоцитированиен); кырӟан но улон (шонергес - вотэс улон, виртуальной пространство) сураськемын. Вашкала удмурт, оло, курламзы бӧрсьы, мурӝолаз ватскыса, ӧпкелясалыз, куатаськысалыз. Нош туалаез, куке сое унь-мань карыны малпазы, со унь-мань карон кылэ гипербола пыртэ но, соиз, воздушной шарик выллем, пуштэ. Янгыше уськытэм муртлы кулэ ӧвӧл ини палэнысь дурбасьтӥсьёс, сое жалясьёс, со соостэк но ворме. Мон понна со прогресс. И шумпот вал но со понна, юнме ӧвӧл кырӟанэ сыӵе ӝож припев пыртэмын. Со вань ирониез вӧсьлы пӧрмытэ кадь. Ма, котьма вылез мед вордӥськоз, сое вӧрдӥсезлы вӧсь луэ ук. Значит, ваньмыз та зэмос, шудонъёслэсь сыӵе вӧсь уг луы. А эшшо паймисько, кыӵе Богданлэн сак пельыз но лэчыт синмыз, кызьы со синйылтэ тунсыкозэ но сое аслаз творчествояз пыртэ. “Пичи Мыло-кыдо Пурга” кырӟаназ но, шуом, Байтеряковлэн “маин дуно, маин чебер” верамез (кудӥз уже удмуртъёслэн культурной кодазы пыремын) сыӵе гармонично кылӥське, со вӧзын ик - калык исаськон чуръёс. Ӵектӥсько та кырӟанэз карыны Пичи Пурга ёросылы официальной гимн.

 

Ну, пумаз верасал - Богданлэн туж яркыт, аслаз стилез бере, мон малпасько вал, ӝоген со акыльтоз ини шуыса. Но со будэ гинэ, кадь, и даже критикаысь аслыз ужаны дарт шедьтэ. Тьфу-тьфу, тьфу, син медам усь.

 

Комментариев нет:

Отправить комментарий